Ulaanbaatar
Эрүүл мэндийн даатгалын сангийн орлого 139 тэрбум төгрөгөөр өсжээ
МОНГОЛЫН МЭДЭЭ | ЭРҮҮЛ МЭНД
Улаанбаатар, 2023 оны аравдугаар сарын 23 /МОНЦАМЭ/. Эрүүл мэндийн даатгалын ерөнхий газрын мэдээллээр эрүүл мэндийн даатгалын сангийн орлого энэ оны эхний есөн сард 1.1 их наяд төгрөг болжээ.
Энэ нь өмнөх
оны мөн үеэс 139 тэрбум төгрөгөөр өссөн үзүүлэлт юм. Харин эрүүл мэндийн даатгалын сангийн тусламж,
үйлчилгээний зардал 1.2 их наяд төгрөг болж, 127 тэрбум төгрөгөөр буурчээ.
Орлого нэмэгдэхэд төр даатгалыг хариуцах иргэдэд улсын төсвөөс төлсөн шимтгэл 151 тэрбум төгрөг болж, өмнөх оны мөн үеэс 28 тэрбум төгрөгөөр өссөн нь голлон нөлөөлсөн байна.
Улсын хэмжээнд энэ оны есдүгээр сард эрүүл мэндийн даатгалд
давхардсан тоогоор 3.7 сая хүн даатгуулсан нь өмнөх оны мөн үеэс 109 мянгаар
нэмэгдсэн үзүүлэлт юм.
Энэ өсөлтөд шимтгэлийг нь ажил олгогч, даатгуулагч хариуцан
төлсөн иргэд 38.3 мянгаар, шимтгэлийг улсын төсвөөс хариуцсан иргэд өмнөх оноос
73.5 мянгаар нэмэгдсэн нь голлон нөлөөлсөн байна.
