Чеонгжу-Улаанбаатар-Чеонгжу чиглэлд хуваарьт нислэг үйлдэх эрхтэй болов
МОНГОЛЫН МЭДЭЭ | НИЙГЭМУлаанбаатар, 2024 оны тавдугаар сарын 1 /МОНЦАМЭ/. ИНЕГ-ын Нисэхийн аюулгүй ажиллагааны хяналт, зохицуулалтын албанаас БНСУ-ын агаарын ачаа тээвэрлэгч “Aero K Airlines” компанид ИНД-129-ийн шаардлагад нийцүүлэн гадаадын агаарын тээвэрлэгчийн гэрчилгээ олгосныг ИНЕГ-ын дарга Ч.Мөнхтуяа тус компанийн удирдлагуудад гардуулав.
Ингэснээр “Aero K
Airlines” компани А320 маягийн агаарын хөлгөөр Чеонгжу-Улаанбаатар-Чеонгжу
чиглэлд хуваарьт нислэг үйлдэх эрхтэй болж байгаагаас гадна хоёр орны хоорондын агаарын харилцаа, харилцан ашигтай арилжааны үйл
ажиллагааг улам өргөжүүлэх ач холбогдолтой юм.
ИНД-129 буюу “Гадаадын агаарын тээвэрлэгчийн гэрчилгээжүүлэлт” нь 28 хоногт Монгол Улсад хоёроос дээш хөөрч, буух, эсвэл 365 хоногт наймаас дээш хөөрөлт, буулт үйлдэх хуулийн этгээдэд гэрчилгээ олгох дүрэм гэдгийг ИНЕГ-аас мэдээллээ.