Ulaanbaatar
Эмэгтэйчүүдэд амьсгалын болон бөөр, шээсний замын эрхтэн тогтолцооны өвчлөл зонхилж байна
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Аймгийн Эрүүл мэндийн газрын 2018 оны судалгаагаар 15-19 насны эмэгтэйчүүдэд зонхилон тохиолдож буй өвчлөлд хоол боловсруулах эрхтэн тогтолцооны өвчин 23, амьсгалын эрхтэн тогтолцооны өвчин 22, арьсны өвчин 11, нүдний өвчин долоон хувьтай гэж дүгнэжээ.
Харин 20-39 насны эмэгтэйчүүдэд бөөр, шээсний замын эрхтэн тогтолцооны өвчин 16, амьсгалын эрхтэн тогтолцооны өвчин 10, цусны эргэлтийн эрхтэн тогтолцооны ес, мэдрэлийн эрхтэн тогтолцооны өвчин дөрвөн хувьтай байгаа аж.
Мөн 40-46 насны эмэгтэйчүүдэд цусны эргэлт болон бөөр, шээсний замын эрхтэн тогтолцооны өвчин нийлээд 47 хувь буюу хамгийн өндөр хувьтай гэж дурдсан байна.
Энэ тооноос харахад 15-39 насны эмэгтэйчүүдэд амьсгалын болон бөөр, шээсний замын эрхтэн тогтолцооны өвчлөл зонхилж байгааг харж болохоор байна.
Архангай аймагт 2012 оноос сум,
өрхийн эрүүл мэндийн төвүүдэд 30-60 нсны эмэгтэйчүүдэд умайн хүзүү, хөхний
өмөнгийн эрт илрүүлэг үзлэгийг хийсэн. Жилд дунджаар зорилтот насны
эмэгтэйчүүдийн 55 орчим хувь нь энэ үзлэгт хамрагддаг байна. 2012-2018 онд
умайн хүзүүний өмөнгийн 19, хөхний өмөнгийн 6 тохиолдлыг эрт үед нь илрүүлж,
эмчилгээнд хамруулсан аж.
