Ulaanbaatar
Давст сумын ЗДТГ-т тоног төхөөрөмж нийлүүллээ
ОРОН НУТГИЙН МЭДЭЭ | УВС
Увс /МОНЦАМЭ/. Давст сумын ЗДТГ-т шаардлагатай тоног төхөөрөмж нийлүүлэх ажлыг энэ сарын 18-ны өдөр “Хүрэл буян” компани хийж гүйцэтгэлээ.
Аймгийн эдийн засаг, нийгмийг 2019 онд хөгжүүлэх үндсэн чиглэлийн зорилтод
Давст сумын ЗДТГ-т тоног төхөөрөмж нийлүүлэхээр тусгагджээ. Энэхүү зорилтын
хүрээнд улсын төсвийн 55 сая төгрөгийн хөрөнгө оруулалтаар тус сумын ЗДТГ-т 14
нэр төрлийн техник тоног төхөөрөмжийг ийнхүү нийлүүлсэн байна.
Давст сумын ЗДТГ-ын хамт олон шаардлагатай тоног
төхөөрөмжөөр хангагдсандаа баяртай байсан бөгөөд цаашид иргэдэд хүргэх төрийн
үйлчилгээгээ илүү хурдтай, хүндрэл чирэгдэлгүй, шуурхай хүргэж ажиллахаа энэ
үеэр илэрхийлж байв. 
