Ulaanbaatar
Уханьд яаралтай вакцинжуулалтыг эхлүүлжээ
ДЭЛХИЙН МЭДЭЭ | НИЙГЭМ
БЭЭЖИН. /Синьхуа/.
Өнгөрсөн онд “COVID-19”-н халдварт өвчний анхны тохиолдлууд бүртгэгдсэн Ухань
хотод тодорхой бүлгийн оршин суугчдыг вакцинжуулалтад хамруулах ажлыг
эхлүүлжээ.
“Ухань хотод яаралтай
вакцинжуулалтыг 12 дугаар сарын 24-нөөс эхлүүлж байна. Вакцинжуулалтын кампанит
ажлыг хотын 15 дүүргийн 48 эмнэлэгт зохион байгуулж, 18-59 насны тодорхой
бүлгийн хүмүүсийг хамруулна. Эхний болон хоёр дахь тун хоорондын хугацаа дөрвөн
долоо хоног” хэмээн Ухань хотын Өвчинд хяналт тавих, урьдчилан сэргийлэх төвийн
тэргүүн Хэ Жэньюй мэдэгджээ.
Аравдугаар сарын 1-нээс 12 дугаар сарын 27-ны хугацаанд Ухань хотод халдварын
зөөвөрлөгдөн ирсэн нийт 47 тохиолдол бүртгэгдсэнээс 33 нь шинж тэмдэггүй
байжээ.
Хятад улс өнгөрсөн 7 дугаар сард яаралтай вакцинжуулалтын хөтөлбөрийг
нэвтрүүлж, хөтөлбөрийн хүрээнд “Sinopharm” болон “Sinovac” компаниудын вакциныг хэрэглэхийг зөвшөөрчээ.
