Ulaanbaatar
Халдвар авсан иргэдийн 45 хувь нь эдгэрлээ
ОРОН НУТГИЙН МЭДЭЭ | ХОВД
Ховд /МОНЦАМЭ/. Ховд аймагт сүүлийн 24 цагийн хугацаанд нийт 240 сорьцод PCR шинжилгээ хийснээр коронавирусний халдвар авсан хүний тоо 4-өөр нэмэгдэж, өнөөдрийн байдлаар батлагдсан тохиолдол нийт 156 боллоо.
“Тусгаарлах эмнэлэг”-т
хэвтэн эмчлүүлж буй иргэдийн ойрын хавьтал буюу тусгаарлан ажиглах байранд
байсан гурван иргэн, буяны ажилд оролцсон (гэрийн тусгаарлалтад байсан) нэг иргэнээс халдвар илэрчээ.
Дөрөвдүгээр сарын 16-ны өдрийн байдлаар Халдвартын тасгийн
“Тусгаарлах эмнэлэг”-т 86 хүн хэвтэн эмчлүүлж байна. Тэдгээрээс гурван өвчтөний
биеийн байдал хүнд, долоо нь хүндэвтэр, бусад нь хөнгөн байна.
Коронавирусний халдварын улмаас “Тусгаарлах эмнэлэг”-т
хэвтэн эмчлүүлсэн иргэдээс өчигдрийн байдлаар 70 хүн эмнэлгээс гарчээ. Энэ нь халдвар авсан нийт иргэдийн 45
хувь нь эдгэрсэн гэх үзүүлэлт аж.
Өнөөдөр эмчийн үзлэг
хийж, 13 иргэнийг
эмнэлгээс гаргана гэсэн урьдчилсан мэдээ байна.
Одоогоор Ховд аймгийн хэмжээнд ойрын хавьтлын 584 иргэн тусгаарлагдсан бол нийт 645 иргэн гэрийн ажиглалтад буй.
