Ulaanbaatar
Халдварын тохиолдол 50-аар нэмэгдэж, 2261 боллоо
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Аймгийн ЭМГ-аас өгч буй
мэдээгээр 08 дугаар сарын 31-ний 08 цагийн байдлаар сүүлийн 24 цагт халдварын 50
тохиолдол шинээр нэмэгдэж, нийт батлагдсан тохиолдол 2261 болов.
Тодруулбал Баруун-Урт суманд хамгийн их буюу 37 тохиолдол бүртгэгдсэн бол
Уулбаян, Мөнххаан сумдад тус бүр нэг, Сүхбаатар гурав, Эрдэнэцагаан дөрөв,
Онгонд дөрвөн халдвар шинээр гарчээ. Баруун-Урт суманд халдварын тархалт
хамгийн их байгаа бөгөөд олон нийтийг хамарсан үйл ажиллагаанаас халдвар илрэх
тохиолдол гарч байгаа учраас мэргэжлийн байгууллагуудаас өгч байгаа зөвлөмжийг
дагаж мөрдөхийг онцгойлон анхааруулав.
Одоогоор АНЭ-т 120, сумдын ЭМТ-д 104
иргэн хэвтэн эмчлүүлж
байгаагаас 0-18 насны хүүхэд 29, жирэмсэн эмэгтэй нэг байна гэв.
