Ulaanbaatar
234 иргэн шалгалт өгөхөөр бүртгүүлжээ
ОРОН НУТГИЙН МЭДЭЭ | ХОВД
Ховд /МОНЦАМЭ/. Төрийн албаны 2021 оны хоёрдугаар ээлжийн ерөнхий шалгалтыг Ховд аймагт 11 дүгээр сарын 15, 16-ны өдөр зохион байгуулна.
Шалгалтын үйл
ажиллагааг коронавирусний халдвараас сэргийлэх зөвлөмжийн дагуу, олон нийтийн
хяналттайгаар Нутгийн удирдлагын ордны Иргэний танхимд 9 ээлжээр
зохион байгуулах хуваарь гарчээ. Нэг ээлжийн шалгалтын үйл
ажиллагаа 02:10 цаг үргэлжилнэ.
Энэ удаа шалгалт
өгөхөөр Ховд аймгийн 234 иргэн цахимаар бүртгүүлсэн байна. Эхний өдрийн
шалгалт 07:30 цагт (орон нутгийн цагаар) эхлэх бөгөөд шалгалт өгөх иргэд
30 минутын өмнө ирсэн байхыг зөвлөлөө.
Шалгалт өгөхөөр
бүртгүүлсэн иргэдэд 11 дүгээр сарын 12-ны өдөр 13:00 болон 15:00 цагт
зааварчилгаа өгч, шалгалтын цагийн хуваарийг утсаар нэг бүрчлэн
мэдэгдэнэ гэж Төрийн албаны зөвлөлийн Ховд аймаг дахь салбар зөвлөлөөс
мэдээллээ.
