Ulaanbaatar
АРХАНГАЙ: Өгсөн үүрэг даалгаврын хэрэгжилттэй байгууллага тус бүрээр орж биечлэн танилцана
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Архангай аймгийн Удирдах ажилтны 10 дугаар сарын шуурхай зөвлөгөөн өнөөдөр боллоо.
Шуурхай
зөвлөгөөнийг аймгийн Засаг даргын орлогч В.Мөнхбат, ЗДТГ-ын дарга Ц.Бадрах нар
удирдан явуулж, цаг үеийн асуудлаар аймгийн Цагдаагийн газар, Онцгой байдлын
газар, Эрүүл мэндийн газар, ЗДТГ-ын СТСХ-үүд мэдээлэл хийлээ.
ОБГ:
Аймгийн хэмжээнд 2022 оны 10 дугаар сард 8 удаагийн аюулт үзэгдэл осол
тохиолдсоны дотор объектын гал түймэр 2, ой, хээрийн гал түймэр 1, зам тээврийн
осол 1, мал амьтны гоц халдварт мялзан өвчин 3, хүний гоц халдварт өвчин
/ковид-19/ цар тахал 1 тус тус гарч, дээрх гамшиг ослоос
ОБГ-ын алба хаагчид 149 иргэний амь, 95 сая төгрөгийн өмч хөрөнгийг авран
хамгаалсан байна.
ЭМГ: Халдварт өвчний 218 тохиолдол бүртгэгдсэнээс 10 хувь нь сүрьеэ, 90 хувь нь БЗДХ байна. Улсын хэмжээнд
томуугийн вакциныг хийж эхэлсэн. БНСУ-ын GC FLU 4 цэнт 12270 тун томуугийн
вакциныг Архангай аймагт татан авч,
10 сарын 24-нөөс эхлэн 5 хүртэлх насны хүүхдүүд,
65-аас дээш насны ахмад настан, өвчлөлд өртөмтгий бүлгүүдэд хийж эхлээд байна.
Энэ удаагийн шуурхай зөвлөгөөнөөс дараах үүрэг даалгаврыг удирдах ажилтнуудад
өгчээ.
•
Өвөлжилтийн бэлтгэл хангах ажлыг 10 сарын 24-30-ны дотор буюу энэ
7 хоногт бүрэн дуусгах
•
Цар тахлаас урьдчилан сэргийлэх арга хэмжээг хэрэгжүүлэх
•
Төрийн хэмнэлтийн тухай хуулийг мөрдөж ажиллах
•
Хууль тогтоомж, үүрэг даалгаврын биелэлтийг цаг хугацаанд нь тайлагнах
•
Цахим гарын үсэгт хамрагдалтыг аймгийн хэмжээнд эрчимжүүлэх
• 100 жилийн ой угтаж гаргасан аймгийн Засаг даргын 2022 оны 4 дүгээр сарын 22-ны А/274 захирамжийн дагуу хийж хэрэгжүүлсэн ажлаа тайлагнах, үйл ажиллагаа зохион байгуулах зэрэг байв.
Аймгийн
Засаг даргын орлогч В.Мөнхбат:
- Удирдах ажилтны шуурхай
зөвлөгөөний ач холбогдол их. Гэсэн хэдий ч зарим байгууллагын удирдлагууд
хуралдаа суудаггүй, өгсөн үүрэг даалгаврыг хэрэгжүүлдэггүй. Тайлангаа өгдөг ч
чанар, стандартын зөрчил дутагдал байсаар байна. Иймээс төрийн байгууллагуудын
үйл ажиллагаатай биечлэн танилцана. Ёс зүй, хариуцлагын асуудал яригдана хэмээн
зөвлөгөөнийг хаав.
