Ulaanbaatar
Томуугаас сэргийлэх зөвлөгөө, мэдээллийг 600 гаруй иргэнд хүргэжээ
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. Томуугаас сэргийлэх сургалтын сарын аяны хүрээнд Нэгдсэн эмнэлгийн хүүхдийн тасгийнхан “Томуу өвчнөөс урьдчилан сэргийлэхэд миний оролцоо” сэдэвт болзолт уралдаан зарлан дүгнэжээ.
Аяны хүрээнд дөрвөн баг томуугаас сэргийлэх зөвлөгөө мэдээллийг өгч ажилласнаас Сувилахуйн баг бусдыгаа манлайлсан байна. Хүүхдийн тасгийн хамт олон аяны хугацаанд томуугаас урьдчилан сэргийлэх багц мэдээллийг 13 сэдвээр 600 гаруй үйлчлүүлэгчид хүргэн, мэдээлэл, сургалт сурталчилгаа хийжээ.
Үйлчлүүлэгчид хэлэхдээ, "Ханиад томууны дэгдэлтийн үед үр хүүхдээ тус өвчнөөс хэрхэн сэргийлэх, ханиалгаж эхэлсэн эхэн үед гэрээр хэрхэн эмчлэх зэрэг дадал зуршлуудыг зааж сургасан нь цагаа олсон ажил боллоо" гэдгийг онцолж байсан. Мөн тасгийн эрхлэгч Б.Оюун-Эрдэнэ, "Иргэдийн эрүүл мэндийн боловсрол илт дээшилсэн байна. Өмнө нь ийм хичээл заая, ирж суугаач гэхээр "зугтах" маягтай байдаг байсан нь нууц биш. Харин одоо бид яавал хүүхэд эрүүл байх вэ, хэрхэн урьдчилан сэргийлж болох вэ гээд өөрсдөө сураглан ирж, сургалт болж байвал найз нөхдөө дуудан хамтдаа суух зэргээр эрүүл мэндийн боловсролоо дээшлүүлдэг болсон байна" гэв.
Тус тасгийнхан сарын аяны хүрээнд гэрийн нөхцөлд утлага хийх аргыг 125 эцэг эхэд, цэр ховхлох аргыг 80 сахиурт биечлэн зааж сургасан бол гар угаах арга, дархлаа сэргээх цэгэн массаж 250 орчим хүнд биечлэн зааж, сургалтанд идэвхтэй оролцсон сахиур, эцэг эхэд гарын саван, эргэлтээр ирсэн хүмүүст сальфетка өгч урамшуулсан байна.
Б.Мөнхзул
Аяны хүрээнд дөрвөн баг томуугаас сэргийлэх зөвлөгөө мэдээллийг өгч ажилласнаас Сувилахуйн баг бусдыгаа манлайлсан байна. Хүүхдийн тасгийн хамт олон аяны хугацаанд томуугаас урьдчилан сэргийлэх багц мэдээллийг 13 сэдвээр 600 гаруй үйлчлүүлэгчид хүргэн, мэдээлэл, сургалт сурталчилгаа хийжээ.
Үйлчлүүлэгчид хэлэхдээ, "Ханиад томууны дэгдэлтийн үед үр хүүхдээ тус өвчнөөс хэрхэн сэргийлэх, ханиалгаж эхэлсэн эхэн үед гэрээр хэрхэн эмчлэх зэрэг дадал зуршлуудыг зааж сургасан нь цагаа олсон ажил боллоо" гэдгийг онцолж байсан. Мөн тасгийн эрхлэгч Б.Оюун-Эрдэнэ, "Иргэдийн эрүүл мэндийн боловсрол илт дээшилсэн байна. Өмнө нь ийм хичээл заая, ирж суугаач гэхээр "зугтах" маягтай байдаг байсан нь нууц биш. Харин одоо бид яавал хүүхэд эрүүл байх вэ, хэрхэн урьдчилан сэргийлж болох вэ гээд өөрсдөө сураглан ирж, сургалт болж байвал найз нөхдөө дуудан хамтдаа суух зэргээр эрүүл мэндийн боловсролоо дээшлүүлдэг болсон байна" гэв.
Тус тасгийнхан сарын аяны хүрээнд гэрийн нөхцөлд утлага хийх аргыг 125 эцэг эхэд, цэр ховхлох аргыг 80 сахиурт биечлэн зааж сургасан бол гар угаах арга, дархлаа сэргээх цэгэн массаж 250 орчим хүнд биечлэн зааж, сургалтанд идэвхтэй оролцсон сахиур, эцэг эхэд гарын саван, эргэлтээр ирсэн хүмүүст сальфетка өгч урамшуулсан байна.
Б.Мөнхзул
