Ulaanbaatar
АНУ 5 сая доллар амлав
ДЭЛХИЙН МЭДЭЭВАШИНГТОН. /Sputnik/. Гадаадын террористууд Сирид очих боломжийг бүрдүүлдэг, “Лалын улс”-ын террорист этгээдийн байрлалыг заасан мэдээлэл өгсөн хүнд 5 сая доллар өгнө гэж АНУ-ын Төрийн департамент мэдэгдлээ.
“Тирад аль-Жарба буюу Абу-Мухаммед аль-Шимали гэх нэрээрээ зартай, “Лалын улс”-ын гол толгойлогчийн байрлалыг заах болон танихад туслах мэдээлэл өгсөн хүнийг 5 хүртэл сая доллароор шагнах санал дэвшүүлж байна” гэж лхагва гарагт хийсэн мэдээлэлд бичжээ.
Сирид Турк улсаар дамжин нэвтрэх аяллыг хөнгөвчлөх ажлыг аль-Шимали хариуцдаг байна. 2014 онд Европ, Австрали, Ойрхи Дорнодоос “Лалын улс”-ын ирээдүйн дайчдыг Сирид орж ирэхэд тэрбээр тусалж, Азаз сууринд “Лалын улс”-ын шинээр элсэгчдийг бэлтгэх төвийг удирдаж байжээ.
Аль-Шимали болон түүний удирддаг “Лалын улс”-ын Цагаачлал, хүн хүчний бэлтгэлийн хороо нь хууль бусаар хил давуулах, санхүүгийн шилжүүлэг, Европ, Хойд Африк, Арабын хойгоос Сири, Ирак руу хангамж зөөх ажиллагааг хариуцдаг байна.
Х.Аминаа
