Ulaanbaatar
Эх орончдын өдрөөр Н.Жамбаа баатрын хөшөөнд цэцэг өргөлөө
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. Монголын ууган улс төрийн хүчин МАН үүсэн байгуулагдсаны 97 жил, "Эх орончдын өдөр" өнөөдөр тохиож байна. Энэ өдрийг тохиолдуулан Баянхонгор аймгийн МАН-ын хороо ахмад гишүүд, дэмжигчиддээ хүндэтгэл үзүүлж, сар шинийн золголтыг зохион байгууллаа. Эгнээндээ 9000 орчим гишүүн нэгтгэсэн Баянхонгор аймгийн МАН-ын хорооны золголтод 300 гаруй гишүүд, дэмжигчид иржээ.
Эх орончдын өдрийг тохиолдуулан Баянхонгор аймгийн удирдлага, аймгийн МАН-ын хорооны дарга, тэргүүлэгчид, гишүүд дэмжигчдийн хамтаар Монгол Улсын баатар Норпилын Жамбаа агсны хөшөөнд цэцэг өргөж, хүндэтгэл үзүүллээ.
Мөн эл өдрийг угтан Баянхонгор аймгийн МАН-ын хороо Баянхонгор сумын намын хороотой хамтран спортын тэмцээн, ЕБС-ын сурагчдын дунд гар зургийн болон зохион бичлэгийн уралдаан зэрэг олон талт арга хэмжээг зохион байгуулжээ. Тухайлбал, улирагч сарын 27, 28-ны өдрүүдэд софт волейболын тэмцээнийг Монгол Улсад шинээр хөгжиж буй тус спортыг олон нийтэд түгээн дэлгэрүүлэх, сурталчлах цаашид тус спорт сонирхогчдын тоог олшруулах зорилгоор зоихон байгуулсан байна. 35-39, 40-49, 50-59, 60-аас дээш гэсэн насны ангилалд нийт 38 багийн 160 орчим тамирчин оролцжээ.
Сонирхуулахад, Баянхонгор аймгийн МАН-ын 28 дугаар Бага хурал нэгдүгээр сарын 26, 27-ны өдрүүдэд Баянхонгор хотноо болж, аймгийн МАН-ын 20 сум, 104 багаас сонгогдсон 309 төлөөлөгч оролцсон. Тус хурлаар аймгийн МАН-ын даргаар аймгийн Засаг дарга Г.Батжаргал, намын орон тооны Дэд даргаар Г.Энхбаяр нар томилогдож, 17 тэргүүлэгч шинээр сонгогдож, 145 гишүүнтэйгээр намын хороо шинэчлэгдэн байгуулагдсан байна.
Эх орончдын өдрийг тохиолдуулан Баянхонгор аймгийн удирдлага, аймгийн МАН-ын хорооны дарга, тэргүүлэгчид, гишүүд дэмжигчдийн хамтаар Монгол Улсын баатар Норпилын Жамбаа агсны хөшөөнд цэцэг өргөж, хүндэтгэл үзүүллээ.
Мөн эл өдрийг угтан Баянхонгор аймгийн МАН-ын хороо Баянхонгор сумын намын хороотой хамтран спортын тэмцээн, ЕБС-ын сурагчдын дунд гар зургийн болон зохион бичлэгийн уралдаан зэрэг олон талт арга хэмжээг зохион байгуулжээ. Тухайлбал, улирагч сарын 27, 28-ны өдрүүдэд софт волейболын тэмцээнийг Монгол Улсад шинээр хөгжиж буй тус спортыг олон нийтэд түгээн дэлгэрүүлэх, сурталчлах цаашид тус спорт сонирхогчдын тоог олшруулах зорилгоор зоихон байгуулсан байна. 35-39, 40-49, 50-59, 60-аас дээш гэсэн насны ангилалд нийт 38 багийн 160 орчим тамирчин оролцжээ.
Сонирхуулахад, Баянхонгор аймгийн МАН-ын 28 дугаар Бага хурал нэгдүгээр сарын 26, 27-ны өдрүүдэд Баянхонгор хотноо болж, аймгийн МАН-ын 20 сум, 104 багаас сонгогдсон 309 төлөөлөгч оролцсон. Тус хурлаар аймгийн МАН-ын даргаар аймгийн Засаг дарга Г.Батжаргал, намын орон тооны Дэд даргаар Г.Энхбаяр нар томилогдож, 17 тэргүүлэгч шинээр сонгогдож, 145 гишүүнтэйгээр намын хороо шинэчлэгдэн байгуулагдсан байна.
Б.Мөнхзул
