Улаанбаатар
Ц.Амарболд олон улсын дуурийн дуулаачдын уралдаанд тэргүүлэв
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. Цагдаагийн “Сүлд” чуулгын дуучин, МУСТА Ц.Амарболд БНХАУ-д болсон олон улсын дуурийн дуулаачдын "А" зэрэглэлийн “Ningbo Music international central vocal competition-2018” уралдаанд амжилттай оролцож, тэргүүн байр эзэллээ.
Тэрбээр 17
орны 368 дуучинтай өрсөлдөж тэргүүлээд зогсохгүй, хятад дууг хамгийн сайн
дуулсан “Шилдэг дуучин" номинацийн эзэн болсон юм.
Ц.Амарболд нь 2017 онд ОХУ-ын Ардын жүжигчин Л.Л.Линховоиний нэрэмжит мэргэжлийн дуурийн дуулаачдын олон улсын 12 дугаар уралдааны гуравдугаар байр, "Шилдэг басс" хоолойтой дуучнаар шалгарч, мөн ондоо Хөдөлмөрийн баатар, Ардын жүжигчин, Төрийн шагналт Д.Лувсаншаравын нэрэмжит уралдаанд хоёрдугаар байр эзэлсэн зэрэг амжилт үзүүлж байжээ.
Ийнхүү цагдаагийн “Сүлд” чуулгаас олон улсын “А” зэрэглэлийн
уралдаанд оролцож тэргүүн байрын шагнал хүртсэн хоёр дахь дуучин төрж байна.
2011 онд М.И.Глинкийн нэрэмжит дуурийн дуулаачдын олон улсын XXIV уралдаанд
“Чингис хаан” одонт, МУГЖ Г.Ариунбаатар тэргүүн байр эзэлж, “Шилдэг баритон
хоолойтой дуучин” шагналыг хүртэж байсан билээ.
