Улаанбаатар
Захиргааны байгууллагуудын үйл ажиллагаанд үнэлгээ хийж байна
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймгийн Засаг даргын
захирамжаар 15 сум, 21 агентлаг дээр 2018 оны бодлогын баримт бичгийн
хэрэгжилт, захиргааны байгууллагын үйл ажиллагаанд хяналт-шинжилгээ,
үнэлгээ хийж байна. Ажлын
хэсэг энэ сарын 7-11-ний хооронд 15 суманд ажиллах
ажээ.
Төрийн байгууллагуудын үйл
ажиллагааг “Бодлогын баримт бичгийн хэрэгжилт”, Байгууллагын ил тод, нээлттэй байдал”, “Тухайн байгууллагын зорилго, чиг
үүрэг, түүний хэрэгжилт” гэсэн 3 зорилтын хүрээнд 12 чиглэлээр үнэлж байгаа
ажээ.
Засгийн Газрын 2017 оны 89 тоот
тогтоолоор баталсан хяналт-шинжилгээ, үнэлгээ хийх нийтлэг журмын 2.1.6, 3.1.6, 9.6-9.8 дахь заалтуудад
Захиргааны байгууллагуудын “хэрэглэгчийн
үнэлгээ”-г хөндлөнгийн байгууллагаар гүйцэтгүүлэхээр заасан байдаг.
Хэрэглэгчдийн үнэлгээг ямар
байгууллага хийж байгаа талаар аймгийн ЗДТГ-ын Хяналт-шинжилгээ, үнэлгээний
хэлтсийн дарга Г.Самданцоодолоос тодруулахад
“Засгийн Газраас хэрэглэгчдийн үнэлгээ хийх ажлыг хойшлуулсан” хэмээх хариулт өглөө.
