Салхитын мөнгөний орд дээр өрөмдлөг хийж байжээ
ОРОН НУТГИЙН МЭДЭЭ | ДУНДГОВЬДундговь /МОНЦАМЭ/. Аймгийн Засаг даргын захирамжаар томилогдсон ажлын хэсэг 1 дүгээр сарын 6-ны өдөр Салхитын мөнгөний ордын хамгаалалтын ээлж солилцох ажлаар тус орд дээр очиход түүний дэргэд хайгуул хийж байсантай таарчээ. Тус ажлын хэсгийн ахлагч, аймгийн ЗДТГ-ын Хөрөнгө оруулалт, хөгжлийн бодлогын хэлтсийн дарга Н.Эрдэнэ-Очир өрөмдлөг хийж байсан хүмүүстэй уулзаж,
Аймгийн засаг дарга О.Бат-Эрдэнэ үүссэн нөхцөл байдлыг судалж, хайгуул хийлгэхгүй байх талаар аймгийн МХА-д үүрэг өгсөн бөгөөд хайгуул хийж байсан компаний удирдлагууд ирж, тус албаны хүмүүстэй уулзсанаар хайгуулын ажил бүрэн зогссон байна.
Монгол Улсын Засгийн газраас 2018
оны 12 дугаар сарын 29-ний өдөр тусгай ажиллагаа явуулж, Салхитын мөнгөний
ордын ашиглалтын тусгай зөвшөөрлүүдийг цуцалж, Дотоодын цэргийн хамгаалалтад авсан юм.
Тус ордын тусгай зөвшөөрлүүдийг цуцалсан хэдий ч хайгуулын лиценз цуцлагдсан эсэх нь тодорхойгүй байгаа ажээ.