Улаанбаатар
Татварын хэлтэс орлогын төлөвлөгөөгөө 7 тэрбум төгрөгөөр давуулан биелүүлжээ
ОРОН НУТГИЙН МЭДЭЭ | ОРХОН
Орхон /МОНЦАМЭ/
Орхон аймгийн Татварын хэлтэс татварын орлогоо 109.2 хувиар давуулан биелүүлсэн
тул аймгийн ИТХ-ын нэрэмжит “Цагаан арслан” цомоор шагнууллаа.
2018 онд аймгийн ИТХ-аас татварын орлогын төлөвлөгөөг
43 тэрбум 762 сая төгрөгөөр баталсан бол үүнийг тус хэлтэс 47 тэрбум 808 сая төгрөг болгон
давуулан биелүүлжээ. Мөн Баян-Өндөр,
Жаргалант сум төсөвт 2 тэрбум 721 сая төгрөг төвлөрүүлэхээс 4 тэрбум 727 сая
төгрөг төвлөрүүлж 173.7 хувиар биелүүлсэн байна. Түүнчлэн орон нутгийн төсөвт
52 тэрбум 535 сая төгрөг төвлөрүүлж 113.1 хувиар татварын орлогоо биелүүлж 6
тэрбум төгрөгөөр давуулсан байна.
Харин улсын төсөвт нийт 8 тэрбум 760 сая
төгрөгийг орлого төвлөрүүлэхээс 10 тэрбум 473 сая төгрөг төвлөрүүлсэн байна. Ингэснээр
улс, орон нутгийн төсөвт нийт 63 тэрбум
төгрөгийг төвлөрүүлж төлөвлөгөөгөө 7 тэрбум 765 сая төгрөгөөр давуулан
биелүүлсэн амжилт гаргажээ. Уг амжилтыг үнэлж аймгийн ИТХ-аас дээрх шагналыг
өгсөн байна.
