"Солиот эх" кино Олон улсын наадамд өрсөлдөнө
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. Герман улсын Баден-Вюртемберг мужийн Карлсруэ хотод “Independent days international film festival 2019” наадам дөрөвдүгээр сарын 3-7-ны өдрүүдэд болно. Хошин урлагийн “Х-ТҮЦ” продакшны уран бүтээлчдийн “Солиот эх” уран сайхны кино энэ наадамд өрсөлдөхөөр болсныг тус киноны уран бүтээлчид мэдээллээ.
БНХАУ-ын Чиндао хотод өнгөрсөн оны зургадугаар сард болсон, Олон улсын анхдугаар кино наадамд "Солиот эх" кино амжилттай оролцон, гол дүрд тоглосон МУГЖ И.Одончимэг "Шилдэг эмэгтэй" дүрийн шагнал хүртэж байсан юм.