АНУ-ын Сангийн сайд ирэх долоо хоногт БНХАУ-ыг зорино
ДЭЛХИЙН МЭДЭЭ | ЭДИЙН ЗАСАГМОСКВА. /TASS/. АНУ-ын
Сангийн сайд Стивен Мнучин, Худалдааны төлөөлөгч Роберт
Лайтхайзер нар ирэх долоо
хоногт БНХАУ-ыг зорьж, худалдааны асуудлыг хэлэлцэхээр Хятадын төлөөлөгчидтэй
уулзана хэмээн Цагаан ордны хэвлэлийн алба мэдээлжээ.
“АНУ, БНХАУ-ын худалдааны асуудлаарх яриа хэлэлцээг үргэлжүүлэхээр Сангийн
сайд Стивен Мнучин, Худалдааны төлөөлөгч Роберт Лайтхайзер нар Бээжин хотыг
зорино. Яриа хэлэлцээ энэ сарын 30-нд эхэлнэ” хэмээн тус мэдэгдэлд дурджээ. Хятадын
Төрийн Зөвлөлийн Шадар сайд Лю Хэ тэргүүтэй төлөөлөгчид энэхүү яриа хэлэлцээнд
оролцох аж.
Худалдаа, эдийн засгийн асуудлыг зохицуулах яриа хэлэлцээ амжилттай
үргэлжилж байгаа хэдий ч зарим асуудал маргаантай хэвээр байгаа тухай Хятадын
Худалдааны яамны албан ёсны төлөөлөгч Гао Фэн өмнө нь мэдэгдсэн байна. Японд ирэх 5 дугаар сард болох
дээд хэмжээний уулзалтын үеэр БНХАУ-ын дарга Си Жиньпин, АНУ-ын Ерөнхийлөгч
Дональд Трамп худалдааны хэлэлцээрт гарын үсэг зурж магадгүй байгаа тухай “Блумберг” агентлаг мөн өмнө нь мэдээлсэн юм.