“Microsoft”-ийн үүлэн үйлчилгээний сайтаас “Huawei”-н бүтээгдэхүүнүүдийг хасжээ

Дэлхийд | Нийгэм
Jargal.d@montsame.mn
2019-05-24 11:07:45

НЬЮ-ЙОРК. /Bloomberg/. Америкийн “Miсrosoft” корпорацын мэдээлэл боловсруулах зориулалттай “Azure Stack” үүлэн үйлчилгээний цахим хуудсаас Хятадын харилцаа холбооны “Huawei” компанийн бүтээгдэхүүнүүдийн талаарх мэдээллийг устгажээ.


Гэхдээ Хятадын компанийн лого, нэр “Microsoft”-ийн үйлчилгээний түншүүдийн жагсаалтад байсаар байгаа боловч үйлчилгээг ямар тоног төхөөрөмж дээр ажиллуулж болох вэ гэдгийг хэрэглэгчид харах боломжтой каталогт “Huawei”-н бүтээгдэхүүнүүдийн талаар дурдсан мэдээллүүд байхгүй болсон байна. Үүнээс өмнө Хятадын компани “Azure Stack”-ийн хувьд тоног төхөөрөмж нийлүүлэгч гол түншүүдийн нэг байсан юм.


“Windows” үйлдлийн системийг ашиглах “Huawei”-н лицензийг хүчингүй болгож магадгүй гэх мэдээлэлд “Microsoft” тайлбар өгөхөөс татгалзжээ. Түүнчлэн АНУ-ын эрх баригчид “Huawei”-г хар жагсаалтад оруулсантай холбоотойгоор тус корпорац ямар арга хэмжээ авах гэж буй нь тодорхойгүй байгаа юм.


Холбоотой мэдээ