Даланзадгад суманд үзэгдэх орчин муу байна
ОРОН НУТГИЙН МЭДЭЭ | ӨМНӨГОВЬӨмнөговь аймгийн Даланзадгад суманд одоогийн байдлаар 1000 м-т үзэгдэх орчин хязгаарлагдаж, салхины хүч 12м/с байна.
“Хэдийгээр салхины хүч гайгүй байгаа ч үзэгдэх орчин хязгаарлагдаж байгаа нь хур тундас ороогүй хуурай байгаагаас шалтгаалж байна. Ард иргэддээ сэрэмжлүүлэг мэдээлэл хүргэсэн, одоогоор онцгой байдал зарлаагүй байгаа. Аймгийн УЦУОШТ-өөс энэхүү үзэгдэх орчин хязгаарлагдаж байгаа үзэгдэл оройдоо намдах байх гэсэн мэдээллийг манайд ирүүлсэн” гэж аймгийн Онцгой байдлын газраас мэдээллээ.
Өнөөдрийн 8 цагт ирүүлсэн мэдээгээр Өмнөговь аймгийн 14 суманд хур тундас ороогүй байна. Цогт-Овоо, Булган, Гурвантэс, Манлай, Ханбогд сумдад салхины хүч бусад сумдаасаа илүү хүчтэй байгаа ажээ.
Өмнөговь аймаг Д.Мишигсүрэн