Улаанбаатар
Д.Трамп Сирид хамгийн багадаа 800 цэрэг үлдээхээр шийджээ
ДЭЛХИЙН МЭДЭЭ | УЛС ТӨР
НЬЮ-ЙОРК. /Associated Press/. АНУ-ын Ерөнхийлөгч Дональд Трамп Сири улсад хамгийн багадаа 800 цэрэг үлдээхийг тусгасан төлөвлөгөөг баталжээ. Тус улсад үлдэх Америкийн цэргүүдийн гол даалгавруудын нэг нь нефтийн орд газруудыг хамгаалахад дэмжлэг үзүүлэх юм.
Эх сурвалжуудын мэдээлснээр, Д.Трамп 11 дүгээр сарын 1-нд Пентагоны төлөөлөгчидтэй уулзсан байна. Үүний дараа тэрбээр АНУ-ын цэргүүдийн хамгаалахаар төлөвлөж байгаа, Сирийн зүүн нутаг дахь бүсийг өргөтгөх төлөвлөгөөг баталжээ. АР агентлагийн мэдээлснээр, энэ нь Дейр эз-Зор болон Хасек хотын хоорондох курд бүлэглэлүүдийн хяналтад байгаа газар нутгийн нэлээд том хэсэг аж. Энэ бүсийн нийт талбайг одоогоор эцэслэн тогтоогоогүй байна.
Сирид Америкийн хэчнээн цэрэг үлдэх талаар Пентагон тодорхой мэдээлэл өгөөгүй боловч эх сурвалжуудын мэдээлснээр, “Сирийн өмнөд нутагт орших Эт-Танф баазад байрлаж байгаа 200 орчим цэргийг оруулаад доод тал нь 800 цэрэг үлдэх аж”.
