“Windows 7” үйлдлийн системийн шинэчлэлийг өнөөдрөөс зогсооно

ДЭЛХИЙН МЭДЭЭ | ШИНЖЛЭХ УХААН
khulan@montsame.gov.mn
2020-01-14 13:02:46

ВАШИНГТОН. /BBC/. АНУ-ын Microsoft” компанийн “Windows 7” үйлдлийн системийн сүүлийн шинэчлэлийг /update/ хийхийг цахим орчны аюулгүй байдлыг хамгаалах мэргэжилтнүүд уг үйлдлийн системийг хэрэглэгчдэд хандан уриалжээ.


Microsoft” компани сүүлд гаргасан технологиуддаа түлхүү анхаарахын тулд мягмар гарагаас эхлэн “Windows 7” үйлдлийн системийн шинэчлэлийг зогсоохоор болжээ. Ингэснээр, “Windows 7”-гийн хэрэглэгчид цаашид аюулгүй байдлын шинэчлэлийн мэдээллийг хүлээн авахгүй ажээ. Мөн “Microsoft”-ын инженерүүд “Windows 7”-г хакеруудаас хамгаалах үйл ажиллагаагaa зогсоох юм.


Windows” үйлдлийн системийг сонгон хэрэглэдэг дөрвөн хүн тутмын нэг нь “Windows 7”-г ашигладаг гэж StatCounter” цахим хуудас тооцоолжээMicrosoft” компанийн мэдээлснээр, “Windows 7”-д программ хангамж, аюулгүй байдлын шинэчлэл цаашид гарахгүй тул үргэлжлүүлэн хэрэглэснээр вирус болон аюултай программуудад өртөх магадлал нэмэгдэх ажээ. 

Холбоотой мэдээ