Австралид ойн түймэр унтрааж байсан онгоц осолджээ

Дэлхийд | Нийгэм
ayanzaya@montsame.gov.mn
2020-01-23 14:39:04

СИДНЕЙ. /Sydney Morning Herald/. Шинэ Өмнөд Вэльс мужид ойн түймрийг унтрааж байсан нисэх онгоц осолдсон тухай Австралийн Яаралтай тусламжийн аврах алба мэдэгдсэн байна. Онгоц осолдсоны улмаас 3 хүн амиа алджээ.


Нисэх онгоцтой холбоо тасарсан тухай өмнө нь гал түймэртэй тэмцэх алба мэдээлсэн байна. Цэрэг тээврийн “C-130 Hercules” нисэх онгоцны хэлтэрхий мужийн өмнөд нутгийн Кума хотоос холгүй олджээ. Ямар шалтгааны улмаас онгоц осолдсон нь одоогоор тодорхойгүй байна.


Өнгөрсөн оны 9 дүгээр сард дэгдэж эхэлсэн ойн түймэр одоог хүртэл унтраагүй бөгөөд түймрийн улмаас хэдэн сая га газар шатаж, 2 мянга гаруй байшин барилга эвдэрч сүйдсэн юм. Түүнчлэн 27 хүн амиа алдаж, 1 тэрбум гаруй амьтан амь үрэгдсэн байна. 

Холбоотой мэдээ