Түүх соёлын хосгүй үнэт зүйлсийг хууль бусаар худалдахыг завдсан хэргийг илрүүлжээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймаг
дахь Цагдаагийн газар одоогоос 700-1000 жилийн өмнөх үед хамаарах эд зүйлсийг
хууль бусаар олж аван худалдахыг завдсан хэргийг иргэний мэдээллийн дагуу илрүүлэн
шалгаж байна.
Хэргийг тус аймгийн иргэн Б үйлджээ.
Тэрээр Сагсай сумын гуравдугаар багийн нутаг дэвсгэрээс барагшун түүх
нэрийдлээр хадны оршуулгын газраас суран хөвчтэй эвэр нум, ясан болон төмөр
зэвтэй 7 ширхэг сум, сумны модон ховд, модон тагш, арьсан дашмаг, ясан иштэй
төмөр хутга зэрэг эд өлгийн зүйлсийг хууль бусаар олж авч улмаар худалдан
борлуулах зорилгоор хадгалж байжээ.
Мөрдөн шалгах ажиллагааны явцад хураан
авсан эд өлгийн зүйлс нь манай эриний X-XIII зууны
үед холбогдох ба “түүх соёлын хосгүй үнэт зүйл”-ийн зэрэглэлд
хамаарна гэсэн дүгнэлтийг Шинжлэх ухааны
академийн Археологийн хүрээлэнгээс гаргасан байна.
Одоо мөрдөн шалгах ажиллагаа үргэлжилж
байгаа тул дэлгэрэнгүй мэдээлэл өгөх боломжгүй хэмээн албаны эх сурвалж
хэллээ.