Хүнсний бүтээгдэхүүнийг хилээр саадгүй нэвтрүүлж байна

Монголын мэдээ | Эдийн Засаг
nandintsetseg@montsame.gov.mn
2020-03-23 15:13:34
NandiaMontsame

Улаанбаатар /МОНЦАМЭ/. Хүнсний бүтээгдэхүүнийг хилээр саадгүй нэвтрүүлж байгаа учир хомсдол үүсэхгүй гэдгийг ХХААХҮ-ийн дэд сайд Ж.Сауле УОК-ын Шуурхай штабаас өнөөдөр хийсэн мэдээллийн үеэр тэмдэглэв.


Гуравдугаар сарын 18-22-ны хооронд хүнс тээвэрлэсэн 79 том оврын машиныг хилээр нэвтрүүлжээ. Тэдгээрийн тээвэрлэсэн 4.4 сая ширхэг өндөг 845 мянган тн хүнсний бүтээгдэхүүнд эцсийн ариутгал хийж зах зээлд нийлүүлээд байна.


ХХААХҮ-ийн дэд сайд Ж.Сауле: “Нөөцөд байгаа 12 мянган тонн махыг 279 дэлгүүрээр борлуулж эхэлсэн. Гадаадад мах экспортлохгүй байгаа учир аж ахуйн нэгжүүд бэлтгэсэн махаа дотооддоо нийлүүлж байна.


Хүнсний гол нэрийн бүтээгдэхүүний үнэ, хангамжийг тогтвортой байлгах зорилгоор ОХУ-аас болон тус улсаар дамжин ирж буй улаанбуудай, элсэн чихэр, ургамлын тос зэрэг бараа бүтээгдэхүүнийг гуравдугаар сарын 1-нээс зургаадугаар сарын 30-ны өдрийг хүртэл НӨАТ ба гаалийн татвараас чөлөөлөх хуулийн төсөл Засгийн газраас УИХ-д өргөн мэдүүлэхээр ажиллаж байна” хэмээв.


Хүнсний бүтээгдэхүүний үнэ, эрэлт нийлүүлэлттэй холбоотой иргэдийн санал гомдлыг ХХААХҮЯ-ны Малчин лавлах 109, ШӨХТГ-ын 115 дугаарын утсаар хүлээн авч, арга хэмжээ авч байна.

Холбоотой мэдээ