Баар, караоке, сүм хийдийн үйл ажиллагааг хориглосон хугацааг сунгав

ОРОН НУТГИЙН МЭДЭЭ | АРХАНГАЙ
gereltod@montsame.mn
2020-03-31 17:00:41

Архангай /МОНЦАМЭ/. Аймгийн Засаг даргын өндөржүүлсэн бэлэн байдалд ажиллах тухай 2020 оны 03 дугаар сарын 31-ний өдрийн а/190 дугаар захирамж гарлаа.

Захирамжид Засгийн газрын тогтоолоор өндөржүүлсэн бэлэн байдлын зэргийг сунгасантай холбогдуулан аймгийн хэмжээнд олон нийтийг хамарсан арга хэмжээ, спорт, урлагийн уралдаан, тэмцээн, хурал, зөвлөгөөн, интернэт тоглоом, баар, караоке, спорт заал, сүм хийдийн үйл ажиллагааг хориглосныг 2020 оны 04 дүгээр сарын 30-ны өдрийг дуустал хугацаанд сунгалаа. Мөн аймгийн хэмжээнд архи согтууруулах ундаа худалдан борлуулах, түүгээр үйлчлэх цагийн хуваарийг 10.00-17.00 цаг байхаар заажээ.

Холбоотой мэдээ