Алга болсон гэх хүүхдүүд айлд очиж хоножээ

batchimeg@montsame.mn

2020-09-21 20:58:53

Өвөрхангай /МОНЦАМЭ/. Аймгийн Цагдаагийн газрын жижүүрийн шуурхай албаны тусгай дугаарт гэрээсээ гараад 7 хоног алга болсон гэх хоёр хүүхдийн мэдээлэл бүртгэгджээ.

Уг мэдээллийн мөрөөр цагдаагийн алба хаагчид эрэн сурвалжлах ажлыг зохион байгуулж, олж тогтоосон байна. Дээрх нөхцөл байдлын шалтгааныг тодруулахад тухайн хүүхдүүд нь эцэг, эхдээ хэлэлгүй, өөрсдийн дураар найз, нөхдийндөө очиж хоносон байна. Энэ байдал хүүхдийг ямар нэгэн эрсдэлт нөхцөл байдалд ороход нөлөөлдөг учраас эцэг, эх, асран хамгаалагчийн үүрэг, хариуцлагын талаар хуулинд хэрхэн заасан байдгийг тус албанаас сануулсан юм.

Монгол Улсын Гэмт хэрэг, зөрчлөөс урьдчилан сэргийлэх тухай хуулийн 31.1.8-д "...үр хүүхэд, өөрийн асрамжид байгаа насанд хүрээгүй хүнийг гэмт хэрэг, зөрчлөөс урьдчилан сэргийлэх, гэмт хэрэг, зөрчилд холбогдуулахгүй байх" гэж заасан байдаг учраас эцэг, эх, асран хамгаалагчид нь хүүхдийг хараа хяналтгүй орхихгүй байх, бага насны хүүхдийг сургууль, цэцэрлэгт нь өөрийн биеэр хүргэж өгч, авах зэргээр болзошгүй эрсдэлээс урьдчилан сэргийлэхийг анхаарууллаа.

Алга болсон гэх хүүхдүүд айлд очиж хоножээ

Холбоотой мэдээ

ӨВӨРХАНГАЙ: Дотоодын цэргийн 833 дугаар тусгай салбарыг шинээр байгууллаа

ӨВӨРХАНГАЙ: Аймгийн шав тавьсан газар хоёр гэрэлт хөшөө босгожээ

Г.Өнөболд: Ерөөл, магтаал хэлж буй газар хүндлэл, сайн сайхан зүйлс оршдог

Хүний эрхийн үндэсний комиссын ажлын баг Өвөрхангайд ажиллалаа

ӨВӨРХАНГАЙ: Цэрэг татлагад залуучууд идэвхтэй оролцож байна

ӨВӨРХАНГАЙ: Шуурганд төөрсөн 20 иргэнийг эсэн мэнд олов

Өвөрхангай аймагт махны гурван үйлдвэр ажиллаж байна

Б.Энх-Очир: Монгол бичиг бол бидний монгол хүн болохыг батлах баталгаа, тамга тэмдэг юм

ӨВӨРХАНГАЙ: Арвайхээр сумын ЗДТГ-аас цахим мэдээг хос бичгээр нийтэлж байна

бидэнтэй нэгдэх

Хандалт