Нүүрс тээвэрлэдэг 1800 орчим жолоочийг үзлэгт хамруулав
МОНГОЛЫН МЭДЭЭ | НИЙГЭМУлаанбаатар /МОНЦАМЭ/. Эрдэнэс-Тавантолгой” ХК байгуулагдсаны 10 жилийн ой тохиолдуулан Тавантолгой Гашуунсухайтын авто замд нүүрс тээвэрлэдэг 1800 орчим жолоочийг “Төрөлжсөн мэргэжлийн эмчийн үзлэг”-т хамрууллаа.
Жолооч нарт лабораторийн шинжилгээ, дүрс оношилгооны
шинжилгээ гээд 15 төрлийн үзлэг, эмчилгээ хийсэн. Үзлэгийг 1, 2, 3 дугаар
эмнэлэг, ХӨСҮТ, СЭМҮТ, ГССҮТөв, ЭХЭМҮТ, Өмнөговь аймгийн бүсийн оношилгоо,
эмчилгээний төв, Хан-Богд, Цогтцэций сумын эрүүл мэндийн төвийн эмч нар хийв. Мөн
тус компани ХНХЯ-ны харьяа Хөдөлмөрийн аюулгүй байдал, эрүүл мэндийн төвтэй
хамтран “Эрүүл уушгины төлөө хамтдаа” аяныг энэ сарын 18-наас эхлэн сарын
хугацаанд зохион байгуулж байгаа.