Төрийн албаны ерөнхий шалгалтыг эхний улиралд багтааж авна

МОНГОЛЫН МЭДЭЭ | НИЙГЭМ
oyundelger@montsame.gov.mn
2021-01-13 21:01:31

Улаанбаатар /МОНЦАМЭ/. Төрийн албаны зөвлөлийн анхдугаар хуралдаанаар төрийн албаны ерөнхий шалгалт зохион байгуулах талаар хэлэлцэв.


Цар тахлын халдварын тархалт, хорио цээрийн дэглэмтэй холбоотойгоор энэ онд шалгалтыг цахимаар зохион байгуулахдаа  мэргэжлийн байгууллагын зөвшөөрлөөс хамааран товыг нь зарлах юм.


Ерөнхий шалгалтыг өнгөрсөн оны 11 дүгээр сард зохион байгуулсан ч шинээр болон дахин шалгалт өгөх иргэдийн хүлээлт байгааг харгалзахын зэрэгцээ журмын дагуу 2021 оны ээлжит ерөнхий шалгалтыг цар тахлын хорио цээрийн дэглэмээс хамааран, шалгалтыг энэ оны нэгдүгээр улиралд багтааж зохион байгуулна. 


Өнгөрсөн онд ерөнхий шалгалтыг цахимаар зохион байгуулахад 16.000 гаруй иргэн бүртгүүлсний 32 хувь нь шалгалтад тэнцэж, төрийн албаны нөөцөд оржээ.

 

Холбоотой мэдээ