Улаанбаатар
Марк Цукербергийн хаягуудыг хакерджээ
ДЭЛХИЙН МЭДЭЭ | СОНИН ХАЧИНЛОНДОН. /ВВС/. Марк Цукербергийн нийгмийн сүлжээнүүдийн хаягуудыг хакерджээ.
Тэрбээр дэлхийн хамгийн том нийгмийн сүлжээг удирддаг боловч энэ нь хакерчдын халдлагад өртөхгүй гэсэн баталгаа биш юм.
“Фэйсбүүк”-ийг үндэслэгчийн нийгмийн сүлжээнүүдийн хаягууд, тухайлбал “Инстаграм”, “Твиттер”, “Линкедин” болон “Пинтерест”-ийн хаягууд ням гарагт түр хугацаанд тасалджээ.
“Твиттер”-т 40 мянга гаруй дагагчтай хакерчдын “Ourmine” гэдэг бүлэглэл түүний хаягуудыг хакердсанаа мэдэгдсэн байна.
Тус бүлэглэлийнхэн Цукербергийн хаягийг хакердаж чадсанаа “Твиттер”-ээр бахдан зарлаж, түүнийг өөрсөдтэй нь харилцахыг хүсчээ.
Хакерчид “Сайн уу? Бид чиний “Инстаграм”, “Твиттер” болон “Пинтерест”-ийн хаягаар нэвтэрлээ. Яг одоо аюулгүй байдлыг чинь шалгаж байна. Бидэнтэй холбогдоорой” гэж бичжээ.
Цукербергийн “Инстаграм”-ын хаяг хакерчдын халдлагад өртсөн эсэхийг шалгах боломжгүй байгаа аж.
Тэрбээр Инстаграм”-д 30-хан зураг оруулсан боловч 600 мянга гаруй дагагчтай гэнэ.
Г.Доржханд
