Зуунмод суманд коронавирусний дөрвөн тохиолдол батлагдав

Орон нутагт | Төв
tuv@montsame.gov.mn
2021-03-06 18:19:44

Төв /МОНЦАМЭ/. Төв аймгийн Зуунмод суманд коронавирусний  4 тохиолдол батлагдаж, сум дотроо тэг зогсолт хийлээ. 

Тодруулбал, 2 дугаар сарын 26-ны өдөр Улаанбаатар хотоос иргэн “З” нь Төв аймгийн Зуунмод суманд буяны ажилд оролцохоор ирэхдээ PCR шинжилгээ өгөлгүй хулгайн замаар ирээд буцсан байна. Улмаар Улаанбаатар хотод эргэн очихдоо шинжилгээ өгсөн нь 3 дугаар сарын 4-ний өдөр эерэг гэсэн хариу гарчээ.

Иймээс Аймгийн Эрүүл мэндийн газрын тандалт судалгааны баг Төв аймгийн хэмжээнд ойрын хавьтлын нийт 62 хүнээс PCR шинжилгээ авч 3 дугаар сарын 6-ны өдрийн 15: 00 цагийн үед 58 хүний шинжилгээний хариу сөрөг гарсан бол 4 хүнийх эерэг гарч, Зуунмод суманд коронавирусний халдвартай 4 тохиолдол батлагдлаа. Иймд Төв аймгийн Зуунмод хот руу орох гарах хөдөлгөөнийг түр хугацаагаар зогсоожээ. Харин Зуунмод сум дотроо тэг зогсолт хийсэн гэж аймгийн Онцгой комиссын дэргэдэх Шуурхай штабаас мэдээлэв. 

Холбоотой мэдээ