Бүсийн оношилгооны төвийн шинэ барилгын санхүүжилт шийдэгджээ
ОРОН НУТГИЙН МЭДЭЭ | ХОВДХовдчууд аймгийн Бүсийн оношилгоо эмчилгээний төвийн шинэ барилгын санхүүжилтыг Засгийн газраас шийдэж, тус эмнэлгийн А, Б блок бүрэн цогцоороо баригдахаар боллоо.
ЭМСЯ-ны Сайд С.Ламбаа Төрийн ордон барих Кувейтийн буцалтгүй тусламжийн 12,2 тэрбумаар Ховд дахь БОЭТ-ийг шинээр барихаар шийдвэрлэснийг хэвлэлүүдэд мэдээлжээ.
БОЭТ-ийн шинэ барилга баригдвал Ховд төдийгүй алслагдсан баруун бүсийн 350 гаруй мянган ард иргэдийн эрүүл мэндийн тусламжийн чанарт дэвшилтэт өөрчлөлт гарах юм.
Тус аймаг дахь БОЭТ-ийг шинэ зургаан давхар барилгатай болгох Засгийн газрын шийдвэр гарч, 2015 онд шав тавьсанаас хойш бүтэн жил хүлээж байсан юм.
А.Бямбасүрэн