Энэ сарын 8-наас 18 төрлийн үйл ажиллагааг хязгаарлана
МОНГОЛЫН МЭДЭЭ | НИЙГЭМУлаанбаатар /МОНЦАМЭ/. УОК өнөөдөр хуралдаж, энэ сарын 8-наас 18 чиглэлээс бусад ААН-ийн үйл ажиллагааг халдвар хамгааллын дэглэм сахиулж хэвийн горимд шилжүүлэх журам баталсан байна.
Тодруулбал, Засгийн газрын өнөөдрийн ээлжит хуралдаанаар Гамшгаас хамгаалах бүх нийтийн бэлэн байдлын “улаан” түвшинг энэ сарын 8-наас ирэх сарын 5 хүртэл өндөржүүлсэн бэлэн байдлын “улбар шар” түвшинд шилжүүлж, зэрэглэл бууруулахаар шийдвэрлэсэн. Энэ дагуу УОК өнөөдөр хуралдаж, холбогдох журмыг баталсныг Шадар сайд, УОК-ын дарга С.Амарсайхан, Эрүүл мэндийн сайд С.Энхболд болон холбогдох албаныхан олон нийтэд танилцууллаа.
“Улбар шар” түвшинд бизнес, нийгмийн үйл ажиллагааг 89 төрөлд ангилдгаас 18-ынх нь үйл ажиллагааг хязгаарлах юм. Үүнд:
-Жагсаал, цуглаан, уралдаан тэмцээн,
-Аялал зугаалга, хурим найр, цайллага, хүлээн авалт,
-Баар /диско, кароаке/,
-Хоол үйлдвэрлэл, үйлчилгээний газар, ресторан, кафе, сүлжээ хоолны газар, түргэн хоолны газар, цайны газар зөвхөн захиалга хүргэлтээр ажиллана.
-Барааны зах, худалдааны төв,
-Өргөтгөсөн болон үзэсгэлэн худалдаа
-Цахим болон бүх төрлийн тоглоомын газар,
-Сургалтын төв /танхимын болон үйлдвэрлэлийн сургалт 10-аас дээш хүнтэй/,
-Соёл урлаг,
-Үзвэр үйлчилгээ /нийт суудлын тооны 30 хувиас их/
-Алжаал тайлах төв, чийрэгжүүлэх, бялдаржуулах төв /
-Саун, бассейн /нийт хүчин чадлын 30 хувиас их/,
-Зочид буудал, дэн буудал, амралтын газар
-Шашны зан үйл, сүм хийд, мөргөлийн газрууд,
-Олимп, олон улсын тэмцээний бэлтгэлээс бусад биеийн тамир, спортын арга хэмжээ
-Хүүхдийн тоглоомын болон сагс, хөл бөмбөгийн талбай,
-Нийтийн бүжиг болон бүх төрлийн бүжгийн клуб