Сонгуулийн сурталчилгаанд 4000 орчим хүн ажиллаж байна

ОРОН НУТГИЙН МЭДЭЭ | УВС
batkhuu@montsame.mn
2016-06-20 17:01:23

УИХ-ын болон аймгийн Иргэдийн Төлөөлөгчдийн хурлын энэ удаагийн сонгуулиар Увс аймагт 5 нам, 2 бие даагч өрсөлдөж байна.

Тэдгээрийн менежерээр 89, шадар туслагчаар 519, ухуулагчаар 1307, штабын ажилтнаар 2000, нийтдээ 3915 хүн, 982 тээврийн хэрэгсэл ажиллахаар болж аймгийн Сонгуулийн хорооноос зөвшөөрөл авчээ.

Сонгуулийн сурталчилгаа энэ сарын 11-нд албан ёсоор эхэлсэн бөгөөд 17 хоногийн хугацаатай үргэлжлэх юм. Увс аймагт 5 намын 9 нэр дэвшигч УИХ-ын сонгуулийн 3 мандатын төлөө өрсөлдөж байна. Харин аймгийн ИТХ-ын сонгуулийн 41 мандатын төлөө МАН, АН-аас тус бүр 41, бие даагч хоёр хүн нэр дэвшин өрсөлдөж байна.

Увс аймаг Б.Батхүү

  

Холбоотой мэдээ