Улаанбаатар
Эмч, эмнэлгийн ажилчдын ажлын ачааллыг бууруулах шийдвэр гаргав
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймгийн Онцгой комиссын 21 дүгээр хуралдаан 8
дугаар сарын 8-нд хуралдаж, хэд хэдэн асуудлыг хэлэлцэн холбогдох шийдвэрүүдийг
гаргажээ.
Сүүлийн өдрүүдэд коронавирусний халдвар тус аймагт хайрьцангуй
буурах хандлагатай байгаатай холбогдуулан эмч, эмнэлгийн ажилчдын ажлын
ачааллыг багасгах, амраахын тулд сумдад халдвартай нь батлагдсан 4 хүртэлх цөөн
тооны иргэдийг аймгийн нэгдсэн эмнэлэг рүү шилжүүлэн эмчлэх шийдвэр гаргасан
байна.
Энэ сарын 8-ны байдлаар тус аймагт коронавирусний халдварын
1402 тохиолдол 15 суманд бүртгэгдэж, 1303 иргэн эдгэрч, зургаан хүн нас баржээ.
Сайнцагаан, Эрдэнэдалай, Дэлгэрхангай, Өндөршил зэрэг 7
суманд халдвар гарч, бусад 8 суманд халдвартай нь батлагдсан бүх иргэдээ эмчилж,
гэрийн тусгаарлалтад гаргасан байна.
Өчигдрийн байдлаар аймгийн хэмжээнд 104 хүн эмчлэгдэж байгаагаас
99 хүн хөнгөн хэлбэрээр өвчилж, 3 хүний биеийн байдал хүндэвтэр, нэг хүний бие
хүнд, маш хүнд оноштой нэг хүн байгааг аймгийн Онцгой комиссоос мэдээллээ.
