Улаанбаатар
Дэлхий даяар 4.7 тэрбум тун вакцин тарьжээ
ДЭЛХИЙН МЭДЭЭ | ЭРҮҮЛ МЭНД
АНКАРА. /Anadolu/. Дэлхий даяар даваа гаргийн байдлаар “COVID-19”-ийн 4.7 тэрбум гаруй тун вакцин тариад байна гэж Оксфордын их сургууль тэргүүтэй байгууллагуудын судлаачдын хөтөлдөг “Our World in Data” цахим хуудас мэдээлжээ.
Тодруулбал, дэлхийн улс орнуудаас БНХАУ-д хамгийн олон буюу 1.85 тэрбум гаруй тун вакцин тарьсан бол 543.85 сая тун вакцин хийгээд буй Энэтхэг хоёрдугаарт жагсаж байна.
Мөн АНУ-д 355.77 сая, Бразилд 163.45 сая, Японд 108.18 сая, Германд 97.26 сая, Их Британид 87.63 сая, Туркт 84.07 сая тунг тус тус тарьжээ.
Турк улсын 44.2 сая орчим хүн вакцины эхний тунг хийлгэсэн бол 33.1 сая гаруй хүн вакцинд бүрэн хамрагджээ.
Түүнчлэн Францад 79.84 сая, Индонезид 81.41 сая гаруй тунг тарьсан бол түүний араас Мексик, Итали, Орос, Испани зэрэг улс орон жагсаж байна.
Цар тахал 2019 оны 12 дугаар сард анх дэгдсэнээс хойш дэлхий даяар 207.2 сая гаруй тохиолдол илэрч, халдварын улмаас 4.36 сая гаруй хүн нас барсныг Жонс Хопкинсын нэрэмжит их сургуулийн мэдээлэл харуулж байна.
