“Үндэсний цэцэрлэгт хүрээлэн” чаргаар гулгах зориулалтын талбайтай боллоо

Монголын мэдээ | Нийгэм
uransolongo49@gmail.com
2021-12-07 17:35:22

Улаанбаатар /МОНЦАМЭ/. “Үндэсний цэцэрлэгт хүрээлэн” ОНӨТҮГ хүүхэд багачууддаа зориулан “ЦАСХАН”  чаргаар гулгах зориулалтын талбайтай боллоо.


Зөвхөн өнгөрсөн оны байдлаар зориулалтын бус газар цана, чаргаар гулгаснаас болж 3000 орчим хүүхэд хүнд хөнгөн бэртэж ГССҮТ-д хүргэгдсэн тоон мэдээлэл байна. Үүнээс харахад өвлийн улиралд хүүхэд багачуудад чөлөөт цагаа зөв өнгөрүүлэх, цана чаргаар гулгах эрүүл, аюулгүй орчин үгүйлэгдэж байна. Харин энэхүү гулгуурын талбай нь хүүхдүүдийн бие бялдарын эрүүл мэндийг дэмжин, тэдний чөлөөт цагийг зөв боловсон өнгөрүүлэхэд туслах юм.


Мөн дээрх шаардлагаас гадна “Үндэсний цэцэрлэгт хүрээлэн”-гээр үйлчлүүлэгчдийн дийлэнхийг хүүхэд багачууд эзэлдэг. Ийм ч учраас “Үндэсний цэцэрлэгт хүрээлэн”-гийн хамт олны зүгээс хүүхдэд зориулсан чаргаар гулгах стандартад нийцсэн зориулалтын талбайг  ийнхүү санаачлан бий болгосон ажээ.






Холбоотой мэдээ