Баян-Өлгий аймаг өрсөлдөх чадварын үнэлгээгээр 8 оноогоор урагшилжээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Эдийн засгийн
бодлого, өрсөлдөх чадварын судалгааны төвөөс “Монгол Улс: Аймгуудын өрсөлдөх
чадварын тайлан 2021” судалгааны үр дүнг өнөөдөр танилцууллаа.
Тус судалгаагаар Баян-Өлгий аймгийн өрсөлдөх чадварын ерөнхий үнэлгээ 70.39
оноо болж 13 дугаар байрт эрэмбэлэгджээ. Энэ нь эзэлсэн байрны хувьд өнгөрсөн
оны түвшинд байгаа боловч онооны хувьд 8 оноогоор урагшилсан байна.
Аймгуудын өрсөлдөх чадварыг үндсэн дөрвөн бүлгээр хэмждэг. Үүнээс Баян-Өлгий
аймаг эдийн засгийн тамир тэнхээгээр 21 дүгээр байр, засаглалын үр ашгаар 19
дүгээр байр, бизнесийн үр ашгаар 2 дугаар байр, дэд бүтцийн хөгжлөөр 6 дугаар
байрт тус тус эрэмбэлэгджээ.