"22 дугаар бааз", "Булган ундрага", "Хай би ойл"-ын ханш хамгийн их өсөв
МОНГОЛЫН МЭДЭЭ | ЭДИЙН ЗАСАГУлаанбаатар /МОНЦАМЭ/. Монголын Хөрөнгийн биржид 33 ХК-ийн 412,389 ширхэг хувьцааг 161.6 сая төгрөгөөр арилжив. Үүнээс 19 ХК-ийн хувьцааны ханш өсөж, 3 компанийн хувьцааны ханш буурсан
бол 11 компанийн хувьцааны ханш тогтвортой байлаа. Энэ өдөр "22 дугаар бааз" (AHH+15.00%), "Булган
ундрага" (BUN+12.76%) болон "Хай би ойл" (HBO+12.22%) ХК-ийн хувьцааны ханш хамгийн их өсөв. "Женко тур бюро" (JTB-5.36%),
"Түмэн шувуут" (TUM-4.73%) болон "Эрдэнэ Ресурс Девелопмент
Корпорэйшн" (BERDN-3.62%) ХК-иудын хувьцаа
хамгийн их уналттай байлаа.
Хөрөнгө оруулалтын 2 сангийн 20,429 ширхэг
нэгж эрхийг 6.1 сая төгрөгөөр арилжсан
бол компанийн бондын хоёрдогч зах зээлийн арилжаагаар 8,692 ширхэг үнэт цаасыг 868.2
сая төгрөгөөр,
ам.долларын 3 ширхэг үнэт цаасыг 300 ам,доллароор тус тус
арилжив. Багцын арилжаагаар 1.5 сая ширхэг үнэт цаасыг 250 сая төгрөгөөр арилжлаа.
ТOП-20 индекс 0.18 хувиар
өсөж, 37,465.41 нэгжид
хүрсэн бол зах зээлийн үнэлгээ 5,121,119,378,851 төгрөг боллоо. Арилжааны дэлгэрэнгүй мэдээллийг энд дарж үзнэ
үү.