Улаанбаатар
Иргэн төвтэй төрийн албыг бэхжүүлэх дэд төслийг танилцуулав
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. “Монгол Улсад мэргэжлийн, иргэн төвтэй төрийн албыг бэхжүүлэх нь” төслийн хүрээнд “Стратегийн баримжаатай хүний нөөцийн удирдлага”, “Ёс зүйн зөвлөлийг бэхжүүлэх нь” дэд төслүүдийг хэрэгжүүлнэ.
Энэ онд ХХААХҮЯ
зэрэг төрийн 6 яам, 5
агентлаг, орон нутагт хэрэгжих юм. Дэд
төслийн талаар ХХААХҮЯ-ны албан
хаагчдад танилцуулах үеэр тус яамны Төрийн
нарийн бичгийн дарга Т.Жамбалцэрэн хэлэхдээ,
“Төрийн албаны зөвлөлийн ХХААХҮЯ-ны
дэргэдэх салбар зөвлөл
2022 онд төрийн албан хаагчийн ёс зүй, харилцаа,
хандлагын өөрчлөлт, бүтээмжийг нэмэх, цахим мэдээллийн санд суурилсан хүний
нөөцийн удирдлагыг хэрэгжүүлэх зорилт дэвшүүлж байгаа”-г тэмдэглэлээ.
Дэд төсөл хэрэгжсэнээр чадахуйн зарчимд суурилсан, шатлан дэвших
тогтолцоог бүрдүүлж, мэргэшсэн, тогтвортой, хариуцлагатай, шударга, мэргэжлийн,
иргэн төвтэй төрийн алба бий болох аж.
