Умард Солонгост халуурах шинж тэмдэгтэй 100 мянга гаруй тохиолдол нэмэгджээ

ДЭЛХИЙД | Эрүүл мэнд
ankhbayar.abr@yahoo.com
2022-05-27 16:43:09

ПЁНЬЯН. /Zaobao/. Пүрэв гарагийн оройны 18 цагийн байдлаар өмнөх 24 цагийн хугацаанд БНАСАУ-д шинээр халуурах шинж тэмдэг илэрсэн 100 мянга 460 тохиолдол бүртгэгдэж, нэг хүн нас барсан талаар тус улсын “KCNA агентлаг мэдээлэв.


Улмаар нийт тохиолдлын тоо 3 сая 270 мянга 850-д хүрч, 69 хүн нас барсан ба нас баралтын хувь 0.002-той байна. Мөн 3 сая 37 мянган хүн эдгэрчээ.


Тус улс энэ сарын 12-ны өдөр дотоодод коронавирусний батлагдсан тохиолдол болон тодорхойгүй халуурах тохиолдол олноор гарсныг хүлээн зөвшөөрсөн.


Улмаар нэг өдрийн дотор шинэ тохиолдлын тоо 200-400 мянгад хүрэх болсон.


Харин сүүлийн зургаан хоногийн хугацаанд шинээр нэмэгдсэн тохиолдлын тоо тогтмол буурсан байна.


Гэсэн хэдий ч Өмнөд Солонгосын шинжээчид дээрх мэдээллийг баталгаажуулах боломжгүй үзэж, БНАСАУ-аас өгсөн мэдээлэлд эргэлзэж байна гэжээ.     

Холбоотой мэдээ