БАЯНХОНГОР: Коронавируст халдварын таван тохиолдол нэмж батлагдлаа

ОРОН НУТГИЙН МЭДЭЭ | БАЯНХОНГОР
munkhzul@montsame.mn
2022-06-28 13:55:32

Баянхонгор /МОНЦАМЭ/. Баянхонгор аймгийн хэмжээнд сүүлийн 24 цагт коронавируст халдварын таван тохиолдол нэмж батлагдлаа. Ингэснээр он гарсаар бүртгэгдсэн халдварын тоо 5861 болж, эдгэрсэн иргэний тоо 5849 боллоо. Он гарсаар коронавируст халдварын улмаас нас барсан тохиолдол хоёр бүртгэгджээ.

Өнөөдрийн байдлаар Тусгаарлах эмнэлэгт дөрвөн иргэн хэвтэн эмчлүүлж байгаагаас гурван иргэний биеийн байдал хүндэвтэр, нэг иргэний биеийн байдал хөнгөн байгаа бол гэрийн эмчилгээнд зургаан иргэн эмчлүүлж байна.

2022.06.28-ны байдлаар аймгийн хэмжээнд коронавируст халдварын эсрэг дархлаажуулалтад өссөн дүнгээр 7942 иргэн хамрагдсанаас нэгдүгээр тунд 59, хоёрдугаар тунд 159, гуравдугаар тунд 3309, дөрөвдүгээр тунд 4445 иргэн хамрагдаад байгаа аж.

Холбоотой мэдээ