Хөлбөмбөгийн “Тоглолт зохион байгуулагч”-ийн анхны сургалт болов
МОНГОЛЫН МЭДЭЭ | СПОРТУлаанбаатар /МОНЦАМЭ/. Монголын хөлбөмбөгийн холбоо /МХБХ/-ны 8 жил 8 зорилт урт хугацааны хөгжлийн бодлогын дагуу хөлбөмбөгийн мэргэжлийн болон мэргэшсэн боловсон хүчнийг бэлдэх зорилгын хүрээнд “Тоглолт зохион байгуулагч”-ийн анхдугаар сургалт амжилттай болов.
Тус сургалтыг МХБХ-ны Тэмцээн зохион байгуулах хэлтсээс 2
хоногийн хугацаатай Футзалын улирал эхэлж буйтай холбоотой онол болон практик
хосолсон хэлбэрээр зохион байгуулав.
Сургалтад нийт 15 хүн хамрагдсан бөгөөд сургалтын
төгсгөлд онолын шалгалтанд тэнцсэн тохиолдолд МХБХ-ноос зохион байгуулж буй
тэмцээнд томилолт авч ажиллах боломж бүрдэнэ.
Цаашид хөлбөмбөгийн мэргэшсэн боловсон хүчнийг бэлдэх зорилгоор уг “Тоглолт зохион байгуулагч”-ийн сургалтыг тогтмол зохион байгуулах төлөвлөгөөтэй байгаа юм байна.