Төв аймгийн Борнуур сум орчимд 4.1 магнитудын хүчтэй газар хөдлөв

МОНГОЛЫН МЭДЭЭ | БАЙГАЛЬ ОРЧИН
oyundelger@montsame.gov.mn
2023-02-03 14:29:04

Улаанбаатар /МОНЦАМЭ/. Төв аймгийн Борнуур сумын төвөөс баруун хойд зүгт 6 километрийн зайд 4.1 магнитудын хүчтэй газар хөдлөв.

Газар хөдлөлт 15.07 цагт болсныг ШУА-ийн Одон орон, геофизикийн хүрээлэн мэдээлсэн бөгөөд нийслэлийн оршин суугчдад мэдрэгдсэн юм. 


Монгол Улс төв Азийн газар хөдлөлтийн идэвхтэй бүсэд оршдог. Өнгөрсөн зуунд 7 ба түүнээс дээш магнитудын хүчтэй газар хөдлөл 20 гаруй удаа болжээ. Магнитуд нь 8 хүрсэн нэн хүчтэй газар хөдлөлт манай оронд 4 удаа бүртгэгдсэн байдаг аж.


Ташрамд мэдээлэхэд, магнитуд гэдэг нь газар хөдлөлтийн төвд багажаар хэмжсэн үзүүлэлт бол, газрын хөрсөн дээр хүн болон барилга байгууламжид нөлөөлөх хүчийг баллаар хэмждэг. Газар хөдлөлтийн баллын хэмжээ 3-4 байвал хүнд мэдрэгдэх боломжтой, 6 баллаас хэтэрвэл барилга байгууламжид эвдрэл үүсэх магадлалтай, арваас хэтэрвэл барилга байгууламж нурах аюултай. 

Холбоотой мэдээ