Улаанбаатар
Филадельфийн Симфони найрал Улаанбаатарт тоглолтоо хийнэ
МОНГОЛЫН МЭДЭЭ | СОЁЛ УРЛАГМонгол, Америкийн хооронд дипломат харилцаа тогтоосны 30 жилийн ойг тохиолдуулан АНУ-д төдийгүй дэлхийд нэртэй Филадельфийн Симфони найрал хөгжмийн чуулга Улаанбаатарт тоглолтоо зохион байгуулахаар төлөвлөж байна.
Тус чуулга Монголд бүрэн бүрэлдэхүүнээрээ очиж тоглох америкийн анхны симфони найрал хөгжмийн чуулга болж байгаагаар онцлог юм. Түүнчлэн хоёр орны соёлын хамтын ажиллагааг өргөжүүлэх, хүн хоорондын харилцан ойлголцлыг гүнзгийрүүлэхэд чухал ач холбогдолтой.
Филадельфийн Симфони найрал хөгжмийн чуулга ирэх оны 5, 6 дугаар сард Япон, Өмнөд Солонгос, Хятад, Монгол Улсад аялан тоглолт хийхээр төлөвлөж байгаа юм. Харин манай улсад ирэх оны 6 дугаар сарын 5-9-нд тоглоно.
Филадельфийн Симфони найрал хөгжмийн чуулгыг 1900 онд Фриц Шийл үндэслэн байгуулсан. Тус чуулга байгуулагдснаасаа хойш сонгодог хөгжмийн гайхамшгийг нийтэд таниулан мэдрүүлэхээр дэлхийг тойрон аялан тоглолт хийж алдаршсан бөгөөд АНУ-ын томоохон хотоос эхлээд, хөрш Канад Улсад тоглож байсан бол 1949 оноос тив алгасан Их Британи, 1967 онд Азид анх удаагаа тоглож Японд айлчилжээ.
Б.Туул
