Австралийн тамирчин усанд сэлэлтийн дэлхийн дээд амжилтыг шинэчлэн тогтоожээ
ДЭЛХИЙН МЭДЭЭ | СПОРТФҮКҮОКА. /АВС/. Австралийн тамирчин Ариарне Титмус ням
гарагт 400 метрийн чөлөөт сэлэлтийн төрөлд дэлхийн дээд амжилтыг шинэчлэн
тогтоожээ.
Японы
Фүкүока хотод болж буй усан спортын дэлхийн аварга шалгаруулах шувтаргын тэмцээнд Австралийн тамирчин 3
минут 55.38 секундийн үзүүлэлтээр тэргүүн
байр эзэлсэн байна.
Хоёрдугаар байрыг Америкийн тамирчин Кэти Ледеки (+3.35
секунд), гуравдугаар байрыг Шинэ Зеландын тамирчин Эрика Фэрвезер (+4.21) тус тус эзэлжээ.
Өмнөх дэлхийн
дээд амжилтыг Канадын тамирчин Суммер
Макинтош (3:56.08) эзэмшиж байсан бөгөөд тэрбээр 2023 оны гуравдугаар сард Канадад болсон тэмцээний үеэр тогтоосон юм. Фүкүокад болсон дэлхийн аварга шалгаруулах тэмцээнд С.Макинтош дөрөвдүгээр байрт (+4.56) оржээ.
Австралийн баг мөн эмэгтэйчүүдийн 4х100 чөлөөт сэлэлтийн төрөлд 3 минут 27.96 секундийн амжилтаар дэлхийн дээд амжилтыг шинэчлэн тогтоосон байна.
Энэ төрөлд австраличууд 2021 оны
Токиогийн олимпын үеэр 3
минут 29.69 секундийн
үзүүлэлтээр өмнөх дээд амжилтыг тогтоож байжээ.