Улаанбаатар
ДОРНОГОВЬ: Орон сууцны ипотекийн зээлийн хүсэлтийг хүлээн авч байна
ОРОН НУТГИЙН МЭДЭЭ | ДОРНОГОВЬ
Сайншанд, 2023 оны аравдугаар сарын 19 /МОНЦАМЭ/. Сайншанд хотод барьж буй “Мандах наран-5” хорооллын барилгын ажил дуусч ашиглалтад хүлээн авахад бэлэн болжээ.
Иргэдийг орон сууцаар хангах бодлогын хүрээнд тус орон сууцанд амьдрах иргэдийн орон сууцны ипотекийн зээлийн хүсэлтийг аравдугаар сарын 13-25-ныг хүртэл аймгийн ЗДТГ-ын байранд хүлээн авч байгаа юм. Хөдөөгийн сэргэлтийн бодлогын хүрээнд орон сууцны зээлийг гурван хувиар олгохоор заасан бөгөөд энэ нь Улаанбаатар хотоос хөдөө рүү шилжин ирсэн иргэдэд хамаатай хэмээн албаныхан мэдэгдэв.
Бусад
тохиолдолд иргэд ипотекийн зээлийн одоо мөрдөгдөж байгаа журмын хүрээнд зээлд
хамрагдах боломжтой аж. Дорноговь аймагт зургаан арилжааны банк ажиллаж байна. Тус орон сууцны нэг ам метр квадратын үнэ 2.2 сая төгрөг байгаа аж.
Холбоотой мэдээ
