2 тарвага тахлаар үхжээ
ОРОН НУТГИЙН МЭДЭЭ | ХӨВСГӨЛХөвсгөл аймагт өнгөрсөн жил тарваган тахал өвчнөөр хүний амь нас эрсдсэн тул аймгийн Зооноз халдварт өвчин судлалын төвөөс голомт бүхий газруудад хяналт судалгаа хийжээ. Энэ үеэр Цагаан-Уул сумын нутагт 2 тарвага үхсэн байснаас шинжилгээ авахад тахал тусч үхсэн нь тогтоогджээ.
Иргэдийг голомт бүхий газраас тарвага агнахгүй, тарваганы түүхий эд эрхтэн хэрэглэхгүй байх албан тоотыг Цагаан-Уул болон хил залгаа Цэцэрлэг сумын удирдлагуудад хүргүүлсэн байна. Сүүлийн үед Цагаан-Уул, Цэцэрлэг сумын голомт бүхий нутагт тарвага үхсэн мэдээллийг нутгийн иргэдээс мөн ирүүлээд байгаа ажээ.
Б.Гантуяа