Улаанбаатар
ХОВД: Аймгийн баяр наадмын хөтөлбөр гарлаа
ОРОН НУТГИЙН МЭДЭЭ | ХОВД
Жаргалант, 2024 оны долоодугаар сарын 5 /МОНЦАМЭ/. Ховд аймгийн баяр наадмын үйл
ажиллагаа энэ сарын 9-нд эхэлж, тусгай хөтөлбөрийн дагуу энэ сарын 11-ний өдөр
хүртэл үргэлжилнэ.
Тулгар төрийн 2233, Их Монгол Улс
байгуулсны 818, Үндэсний эрх чөлөө тусгаар тогтнолоо сэргээн мандуулсны
113, Ардын хувьсгалын 103 жилийн ой, Үндэсний
их баяр наадмыг Ховд аймагт зохион байгуулахтай холбогдуулан хөтөлбөр
гаргажээ.
Тодруулбал, долоодугаар сарын 9-нд
халх, урианхай сурын харваа, Галдан бошигт хаан болон Ард Аюушийн хөшөөнд цэцэг
өргөх ёслол, хүндэтгэлийн тоглолт, төрийн дээд шагнал гардуулах үйл ажиллагаа болно.
Харин долоодугаар сарын 10-нд үндэсний
их баяр наадмын нээлт, азарга, соёолон, жороо, хязаалан насны морины уралдаан, шагайн
харваа, сурын харваа, бөхийн барилдаан (1-4 даваа) болох юм.
Мөн долоодугаар сарын 11-нд хурдан морины уралдаан, шагай болон сурын харваа,
бөхийн барилдаан үргэлжилж, шилдэг оролцогчийг шалгаруулан шагнах ба баяр наадмын хаалт зохион байгуулахаар төлөвлөжээ.
Баяр наадмын өдрүүдэд иргэдийг
хоггүй цэвэр наадахыг мэргэжлийн байгууллагууд уриаллаа.
Үүнээс гадна долоодугаар сарын 12-нд уяачдын өдөрлөг болно. 
