Улаанбаатар
70 настай хүн анагаахын сургууль төгсжээ
ДЭЛХИЙН МЭДЭЭ | НИЙГЭМ
ХОНКОНГ, 2024 оны есдүгээр сарын 9 /CNN/. Бүх хүн түүнийг профессор гэж бодож
байсан боловч буурал үстэй энэ эр бол бусдын адил
анагаахын сургуулийн нэгдүгээр курсийн оюутан байлаа.
“Гэр бүл, найз нөхөд маань эхэндээ гайхаж байсан. Зарим найз маань намайг ийм өндөр насандаа анагаахын чиглэлээр суралцах хүсэлтэй байгааг сонсоод галзуурсан гэж
бодсон” гэж Малайзын тэтгэвэртээ гарсан иргэн Тох Хонг
Кенг олон 10 жилийн турш амьдарсан Хонконгтоо кофе уух зуураа ярьжээ.
Өдгөө 70
настай Тох энэ оны долоодугаар сард анагаахын сургуулийг төгссөн бөгөөд дэлхийн хамгийн өндөр
настай оюутнуудын нэг болсон байна.
Филиппиний Себу хотын “PHINMA” их
сургуулийн анагаахын ангийг саяхан төгссөн тэрбээр суралцах нь амар байгаагүйг дурдаад, 65-70 насанд миний ой санамж,
хараа, сонсгол, бие бялдар маань залуугийнх шигээ биш болсон
байна гэлээ.
Тох амьдралынхаа ихэнх хугацааг технологийн борлуулалтын салбарт зориулжээ. Улмаар тэтгэвэрт гарснаар өдрийн хоолоо тааваараа идэж, гольф тоглосонгүй. Харин таван жилийн турш өдөр бүр үг цээжлэх карт, харааны шил, том аягатай кофены тусламжтайгаар анатомийн сурах бичгүүдийг шимтэн уншдаг байв.
Мэргэжлийн зэрэг
хамгаалсан хүний хувьд ч гэсэн үүнийг судлах нь амаргүй байлаа. Тэрбээр гурав
дахь жилдээ суралцаж байхдаа хүүхдийн эмчийн шалгалтад тэнцээгүй тул анги улирсан байна. Төгсөх жилдээ хувийн болон улсын эмнэлгүүдэд нэг
жилийн хугацаатай дадлага хийсэн бөгөөд зарим ээлжинд гарахдаа 30 цаг ажилладаг байсан гэнэ.
“Би яагаад
үүнийг хийх ёстой гэж? Магадгүй би бууж өгөх ёстой байх” гэж Тох оюутан байхдаа олон удаа өөртөө хэлж
байснаа дурсан ярилаа. Харин гэр
бүлийнхэн нь олон эргэлзээг давахад нь тусалжээ. Мөн түүнээс олон арван насаар дүү
ангийнхан нь түүнд бууж өгч болохгүй
гэдгийг байнга хэлдэг байв.
“Таван жил эрчимтэй суралцахдаа Тох хэзээ ч өөрт нь онцгой анхаарал хандуулахыг хүсэж байгаагүй бөгөөд зорилгодоо хүрэхийн тулд маш эрчтэй суралцаж байсан. Ноён Тох аль хэдийн амжилттай бизнес эрхлэгч, мэргэжилтэн болсон хэдий ч шинэ зүйлд суралцах хүсэлтэй хэвээр байна. Тэрбээр маш их хүсэл тэмүүлэлтэй, тэвчээртэй байсан” гэж анагаах ухааны сургуулийн декан, доктор Марви Дулнуан-Ниог ярилаа.
